ANNAMAYYA KEERTHANAS - CHAALADAA BRAHMAMIDI LYRICS IN TELUGU

చాలదా బ్రహ్మమిది సంకీర్తనం మీకు | 
జాలెల్ల నడగించు సంకీర్తనమ్ ||

సంతోష కరమైన సంకీర్తనమ్ | 
సంతాప మణగించు సంకీర్తనమ్ |
జంతువుల రక్షించు సంకీర్తనమ్ | 
సంతతము దలచుడీ సంకీర్తనమ్ ||

సామజము గాంచినది సంకీర్తనమ్ | 
సామమున కెక్కుడీ సంకీర్తనమ్ |
సామీప్య మిందరికి సంకీర్తనమ్ | 
సామాన్యమా విష్ణు సంకీర్తనమ్ ||

జముబారి విడిపించు సంకీర్తనమ్ | 
సమ బుద్ధి వొడమించు సంకీర్తనమ్ |
జమళి సౌఖ్యములిచ్చు సంకీర్తనమ్ | 
శమదమాదుల జేయు సంకీర్తనమ్ ||

జలజాసనుని నోరి సంకీర్తనమ్ | 
చలిగొండ సుతదలచు సంకీర్తనమ్ |
చలువ గడు నాలుకకు సంకీర్తనమ్ | 
చలపట్టి తలచుడీ సంకీర్తనమ్ ||

సరవి సంపదలిచ్చు సంకీర్తనమ్ | 
సరిలేని దిదియపో సంకీర్తనమ్ |
సరుస వేంకట విభుని సంకీర్తనమ్ | 
సరుగనను దలచుడీ సంకీర్తనమ్ ||